جێگری سەرۆكی پەرلەمانی كوردستان سەرەخۆشی لە بنەماڵەی خوالێخۆشبوو عەزیز محەمەد دەكات

31/05/2017 08:47:00 م

بەرێزان كەسوكارو بنەماڵەی خوالێخۆشبوو عەزیز محەمەد

بەرێزان لە كۆمیتەی ناوەندیی حیزبی شیووعیی كوردستان

 بەرێزان لە كۆمیتەی ناوەندیی حیزبی شیووعیی عیراق

 

بە داخ و پەژارەیەكی زۆرەوە هەواڵی كۆچی دوایی سیاسەتمەدار و كەسایەتیی كوردی نیشتمانپەروەر، سكرتێری پێشووی حیزبیی شیووعیی عیراق، خوالێخۆشبوو "عەزیز محەمەد" مان بیست.

بەم بۆنە غەمناكەوە پرسە و سەرەخۆشیی خۆمان ئاراستەی ئێوەی بەڕێز دەكەین و بەشداری غەمتانین.

خوالێخۆشبوو عەزیز محەمەد، زیاتر لە حەفتا ساڵ، ڕۆڵێكی سەرەكیی هەبووە لە بزووتنەوەی بەرەنگاربوونەوەی ستەمكاران لە عیراق و دەنگێكی بەرزی ئازادیخوازیی و رزگاریخوازیی كوردستان بووە و هەمیشە رۆلێكی سەرەكیشی هەبووە لە ناوبژیوانی و هەوڵەكانی چەسپاندنی ئاشتی و مافەكانی گەلی كوردستان.

دوا لە خوای گەورە دەگەین جێگای بەهەشت بێت و سەبووری و دڵنەوایی بە هەموو لایەكمان ببەخشێت.

 

"إنا لله وإنا إلیه راجعون"

 

 

جەعفەر ئیبراهیم ئێمینكی

جێگری سەرۆكی پەرلەمانی كوردستان

31/5/2017


رۆژمێرى رووداوه‌كان

<تشرين الثاني 2017>
سأاثأخج
28293031123
45678910
11121314151617
18192021222324
2526272829301
2345678