پەیامی پیرۆزبایی جێگری سەرۆكی پەرلەمانی كوردستان بە بۆنەی ساڵیادی دەرچوونی رۆژنامەی "التآخي"

27/04/2017 01:26:00 م

بەرێزان سەرنووسەر و دەستەی نووسین و سەرجەم كارمەندانی رۆژنامەی "التآ‌خي"

لە یۆبیلی زێرینی دەرچوونی رۆژنامە بەرێزەكەتاندا، رۆژنامەی "التآخي"، جوانترین پیرۆزباییتان ئاراستە دەكەین و هیوای سەركەوتنتان بۆ دەخوازین لە ئەركە پیرۆزەكەتان بۆ گەیاندنی پەیام و دەنگی میللەتەكەمان وخزمەتكردنی دۆزە ڕەوایەكەی.

رۆژنامەی "التآخي"، وەكو سەكۆیەكی وشەی ئازاد، هەمیشە رۆژنامەیەكی پێشەنگ بووە لە برەودانی هۆشیاری سیاسی و رۆشنبیری لەناو كۆمەڵگەی كوردستاندا و پاراستنی گیانی برایەتی و تەبایی و ئاشتی و پێكەوەژیان. ئەمڕۆش، گەلەكەمان پێویستیی زیاتری بە خامەكانتان هەیە بۆ قووڵكردنەوەی گیانی یەكڕیزی و یەكدەنگی بۆ وەدیهێنانی ئاواتی گەلەكەمان لە سەربەخۆییدا.

دووبارە، پیرۆزباییتان لێدەكەین و هیوای سەركەوتن و بەردەوامبوونتان بۆ دەخوازین لە ئەركە نشتیمانی و نەتەوەییەكەتاندا.

 

 

دكتۆر جەعفەر ئیبراهیم ئێمینكی

جێگری سەرۆكی پەرلەمانی كوردستان


رۆژمێرى رووداوه‌كان

په‌خشى راسته‌خۆ