جێگری سەرۆكی پەرلەمانی كوردستان ڕووداوی هێرشكردنەسەر فەرهاد پیربال شەرمەزاردەكات

13/04/2017 01:11:00 م

بە ناوی خۆمان و پەرلەمانی كوردستانەوە ڕووداوی هێرشكردنەسەر نووسەر و ڕووناكبیری و هۆنەرمەندی ناسراو دكتۆر فەرهاد پیربال ئیدانە و شەرمەزاردەكەین و ئەم كارە بە كردەوەیەكی دژ بە یاسا و مافی مرۆڤ و تەبایی و پێكەوەژیان و ئارامی لە هەولێری پایتەختی هەرێمی كوردستان دەزانین.

داواش لە دەزگا پەیوەندیدارەكان دەكەین بە وشیاری زیاترەوە مامەڵە لەگەڵ ئەم جۆرە ڕووداوە نەخوازیارانە بكەن بۆ ئەوەی دووبارە نەبنەوە، هەروەها داوا دەكەین ئەو تاوانبارانەی، كە بە ئەنجامدانی ئەم كردەوەیە دەسگیركراون، بدرێنە دادگا و رێكارە یاساییەكان دەرهەقیان جێبەجێبكرێن.

 

 

دكتۆر جەعفەر ئیبراهیم ئێمینكی

جێگری سەرۆكی پەرلەمانی كوردستان

13/4/2017


رۆژمێرى رووداوه‌كان