جێگری سەرۆكی پەرلەمانی كوردستان جەژنی لەدایكبوونی حەزرەتی مەسیح لە مەسیحییەكان پیرۆزدەكات

24/12/2016 02:51:00 م

بە بۆنەی هاتنەوەی جەژنی لەدایكبوونی حەزرەتی مەسیح ( سڵاوی خوای لێبێت)، جوانترین پیرۆزبایی ئاراستەی خۆشك و برا مەسیحییەكان لە كوردستان و جیهان دەكەین و ئۆمێدەوارین هەموو رۆژەكانیان جەژن و خۆشی بن لە سایەی ئاشتی و پێكەوەژیان و تەبایی نێوان سەرجەم پێكهاتەكان و دوور لە هەرەشەكانی تیرۆریستان و دوژمنانی مرۆڤایەتی.

هەر بەم بۆنەیەوە هیواخوازین ئاوارەكان لە خۆشك و برا مەسیحییەكان بە سەربڵندی بگەرێنەوە سەر خاك و زێدی باب و باپیریان كە لەسەر دەستی پێشمەرگەی كوردستان رزگاركراونەتەوە و بە ئارامی و ئازادی شادببنەوە و چیتر دووچاری ئازار و ئاوارەبوون و نەهامەتی نەبنەوە.

دووبارە جەژنی لەدایكبوونی حەزرەتی مەسیح لە سەرجەم خۆشك و برا مەسیحییەكان پیرۆزدەكەین و هیوادارین ئەم جەژنە ببێتە مایەی خۆشی و خۆشگوزەرانی بۆ سەرجەم خەڵكی كوردستان.

 

دكتۆر جەعفەر ئیبراهیم ئێمینكی

جێگری سەرۆكی پەرلەمانی كوردستان

24/12/2016

رۆژمێرى رووداوه‌كان

په‌خشى راسته‌خۆ