راگه‌یاندراوه‌ك سه‌باره‌ت به‌ ڕووداوى به‌رده‌م نووسینگه‌ى كه‌ركوكى په‌رله‌مانى كوردستان

07/01/2015 02:48:00 م
ئه‌مرۆ 7/1/2015 له‌و كاته‌ى ژماره‌یه‌ك گه‌نجى ده‌رچووى كۆلیژ و په‌یمانگه‌كانى شارى كه‌ركوك به‌مه‌به‌ستى دامه‌زراندنیان گردبونه‌وه‌یه‌كیان له‌به‌رده‌م نووسینگه‌ى كه‌ركوكى په‌رله‌مانى كوردستان ئه‌نجامدا به‌مه‌به‌ستى دامه‌زراندن و پێشتریش یاداشتێكیان سه‌باره‌ت به‌هه‌مان بابه‌ت پێشكه‌شی نوسینگه‌ى كه‌ركوك كردبوو ئه‌وانیش له‌رێى خۆیانه‌وه‌ ئاراسته‌ى په‌رله‌مانى كوردستانیان كرد و له‌لایه‌ن لیژنه‌ په‌یوه‌نداره‌كان به‌دواداچوونى بۆ كراوه‌. به‌ڵام به‌داخه‌وه‌ گرژى و توندو تیژى له‌نێوان پاسه‌وان و خۆپیشانده‌ران هاته‌ ئاراوه‌و له‌ئاكامدا پاسه‌وانه‌كان ته‌قه‌یان به‌ ئاسماندا كرد. له‌كاتێكدا سه‌رۆكایه‌تى په‌رله‌مانى كوردستان پشتیوانى له‌داواكاریه‌كانى خۆپیشانده‌ران ده‌كات، ئه‌ندامانى په‌رله‌مانیش به‌دواداچوونى ووردیان بۆ داواكانیان كردوه‌و به‌رده‌وامن و خۆپیشانده‌رانیش له‌وه‌ڵامه‌كه‌ی ئاگادار ده‌كرێنه‌وه‌، به‌ڵام به‌هه‌موو شێوه‌یه‌ك ئیدانه‌ى توند و تیژى وپشێوى و به‌لارێ بردنى هه‌ر گردبونه‌وه‌و خۆپیشاندان و ناره‌زاییه‌ك ده‌كه‌ین به‌تایبه‌تیش ته‌قه‌كردن له‌خۆپیشانده‌ران و له‌مروه‌وه‌ لێكۆڵینه‌وه‌ى پێویست له‌سه‌ر ره‌وتى رووداوه‌كه‌ ئه‌نجام ده‌درێ بۆئه‌وه‌ى كه‌مته‌رخه‌مه‌كان لێپرسینه‌وه‌ى یاساییان له‌گه‌ڵ دا بكرێ.
 
به‌رێوه‌به‌رایه‌تى راگه‌یاندنى په‌رله‌مانى كوردستان
7/1/2015
 
 

رۆژمێرى رووداوه‌كان

په‌خشى راسته‌خۆ